Iazko maiatzean, Hirugarren Sektore Sozialaren Euskal Behatokiak “Covid-19aren eragina Euskadiko Hirugarren Sektore Sozialeko erakundeetan, 2020″ azterlana aurkeztu zuen. Euskadiko Elkarrizketa Zibilerako Mahaiaren, Eusko Jaurlaritzako Enplegu eta Gizarte politiketako Sailaren eta Sareen Sarearen ekimen horren helburua Covid-19aren krisiak Euskadiko Hirugarren Sektore Sozialeko erakundeetan duen eragina ezagutzea izan da.
Azterlan horren ondoren, eta pandemiarekin urtebete baino gehiago eraman eta gero, Behatokiak online jardunaldi bat antolatu zuen maiatzaren 24an, orain arte gertatutakoa errepasatzeko eta lau gai garrantzitsuren inguruko hausnarketa partekatzeko: Zein izan da Hirugarren Sektore Sozialaren zeregina pandemiaren esparruan?; Zelan aldatu ditu pandemiak zerbitzuak, jarduera, eragiteko lana, sentsibilizazioa eta gure erakundeen eta sareen kudeaketarekin erlazionatutako guztia?; Zer ikasi dugu gizarte-eraginari eta administrazio publikoekiko elkarrizketa-lanari dagokienez?; Eta, azkenik, zer erronka ditu aurretik Hirugarren Sektoreak?
Bilera horretan, Borja Doval Sareen Sareko presidenteak, Francina Alsina Kataluniako Hirugarren Sektoreko Taulako presidenteak eta Luciano Poyato Hirugarren Sektoreko Plataformako presidenteak hartu zuten parte, eta krisi honetan Hirugarren Sektorearen lana inoiz baino beharrezkoagoa izan dela azpimarratu zuten.
Esteka honetan grabazio osoa entzun dezakezu.
