Skip links

Plena inclusión gure elkarte mugimenduak 2024-2030 Plan Estrategikoaren hedapenaren lehen urtea ebaluatu du

Plena inclusión elkarte mugimenduaren
‘Ganamos en comunidad’ Plan Estrategikoa,
2024ko martxoan onartu zen,
eta 2030era arte egongo da indarrean.
Plan horrek 11 erronka estrategiko ditu,
40 planetan multzokatuta.

Plan Estrategikoan aurreikusitako helburuak
betetzen diren jakiteko,
Plena inclusiónek 48 adierazle dituen taula bat egin du.
Urtero, erakundeek, federazioek eta konfederazioak
adierazleen taula hori osatzeko datuak emango dituzte.

Dagoeneko eskuragarri dago 2024ko txostena.
Dokumentu horrek 11 erronken datuak jasotzen ditu.
Erronka bakoitzeko balorazio
eta gomendio zehatzak ere eskaintzen ditu.

Adibidez, 4. erronkan:
“Laguntza onekin. Pertsonalizazioaren erronka”.
Txostenak dio 2024an
desgaitasuna duten 592 pertsonak
enplegu publikoa lortu dutela.
Erronka 2026an
1.800 pertsona sartzea da.

Txostena eta adierazleen taula webgunean kontsulta daitezke. 

2024ko martxoan, Plena inclusión elkarte mugimenduak, aurreikuspenen arabera 2030era arte indarrean egongo den “Ganamos en comunidad” izeneko bere VI. Plan Estrategikoa onartu zuen. Plana 11 erronka estrategikoren inguruan egituratzen da. Bakoitzak 100 ekintza espezifiko baino gehiago jasotzen dituzten 40 plan operatiboren bidez gauzatzen dira erronkak.

Planaren jarraipena eta ebaluazioa Sherpa Taldeak gidatzen du. Talde hori diziplina anitzekoa da, eta Zuzendaritza Batzordeko kideek, gerenteek, Adimen eta Garapen Desgaitasuna duten Pertsonen Estatuko Plataformako ordezkariek eta Konfederazioko profesionalek osatzen dute. Talde horrek planaren aurrerapen maila neurtzeko aukera ematen duten helburu estrategikoak eta 48 adierazleak definitu ditu.

Erakundeek, erakunde autonomikoek, horien artean FEVAS Plena Inclusión Euskadi, eta konfederazioak berak urtero laguntzen dute adierazleen taula batean txertatzen diren datuekin, eta hori funtsezko tresna da aurrerapena ebaluatzeko. Orain eskuragarri dago planaren 11 erronkei lotutako 48 adierazleen betetze maila aztertzen duen 2024ko ekitaldiari dagokion lehen txostena. Dokumentu horrek erronka estrategiko bakoitzeko balorazio zehatzak eta gomendio espezifikoak jasotzen ditu.

Adibidez, 4. Erronkan (Laguntza onekin. Pertsonalizazioaren erronka) nabarmentzen da 2024an desgaitasuna duten 592 pertsona sartu direla funtzio publikoan, eta 2026rako xedea 1.800 pertsonatan finkatu da.

Txostenak funtsezko beste arlo batzuk ere aztertzen ditu, hala nola genero-berdintasuna, antolamendu-iraunkortasuna, eragin politikoa eta berrikuntzaren sustapena, adierazleen taula elkarte-mugimenduaren helburuak betetzeko funtsezko tresna gisa sendotuz.

Sartu txostenera eta adierazleen taulara

Artículos relacionados

Rodrigo Gonzalez eta Arrate Diaz de Garayo, Apdemako (Adimen Desgaitasuna duten Pertsonen aldeko Arabako elkartea) proiektu-teknikariak elkarrizketatu ditugu.Elkarrizketa honetan, 2021ean hasi zen programaren xehetasunak azaldu dituzte. Programak taldeko prestakuntza eta banakako tutoretzak uztartzen ditu, eta pertsona bakoitzarekin ikasketak zaildu ditzaketen

Orain eskuragarri dago planaren 11 erronkei lotutako 48 adierazleen betetze maila aztertzen duen 2024ko ekitaldiari dagokion lehen txostena. Dokumentu horrek erronka estrategiko bakoitzeko balorazio zehatzak eta gomendio espezifikoak jasotzen ditu.

FEVASek hiru online saio egin ditu berriki adimen- edo garapen-desgaitasuna duten pertsonen neba-arrebekin eta koinatu-koinatekin, Plena Inclusión Españak sustatutako parte-hartze prozesuaren barruan. Topaketa horietan 18 senidek hartu zuten parte, eta erakundeen eginkizunari, belaunaldien arteko erreleboari eta senide gazteak elkarte-bizitzara erakartzeko

Harpidetu zaitez
gure Newsletterrera

Skip to content