Skip links

Plena inclusiónen txosten batek gabeziak erakusten ditu adimen- edo garapen-desgaitasuna duten pertsonen osasun mentalaren arretan

Plena inclusiónen txostenak
adimen- edo garapen-desgaitasuna duten pertsonen
osasun mentalaren arretaren Espainiako egoera aztertu du.
Adimen- edo garapen-desgaitasuna duten 100 pertsonatik 41ek
osasun mentaleko nahasmendua dute.

Txostenak dio gauza batzuk hobetu behar direla.
Adibidez:

• Adimen-desgaitasuna duten eta osasun mentaleko nahasmenduak dituzten pertsonei buruzko datu eta informazio gehiago izan behar da.
• Pertsona horiei arreta integrala eman behar zaie.
• Osasun mentaleko sareko profesionalak prestatu behar dira,
pertsona horiek hobeto artatu ditzaten.

Txosten horrek administrazioetako eta gizarte-sektoreko
arduradun politiko eta teknikoentzat baliagarria izan daitekeen
informazio asko ematen du.
Arreta egokiagoa izan dadin erabakiak hartzera
eta ekintzak sustatzera bidera ditzake.

Plena inclusiónek inplikazio handiagoa eskatzen dio administrazio publikoari.

Lankidetza beharrezkoa da adimen- edo garapen-desgaitasuna duten pertsonen osasunerako eskubidean aurrera egiteko.

Plena inclusión Españak “Con Buenos Apoyos. Situación de la atención a la salud mental de las personas con discapacidad intelectual y del desarrollo en España” txostena aurkeztu du. Dosier horrek nabarmentzen du adimen- edo garapen-desgaitasuna duten pertsonen % 41ak nahasmendu psikiatrikoak edo jokabide kezkagarriak dituztela, eta gutxienez % 10ak oso laguntza premia konplexuak dituztela.

Hobetu beharreko alderdien artean, kolektibo horri buruzko informazio espezifikoa biltzen duten datu-baseak, txostenak eta memoriak izateko beharra aipatzen du dokumentuak. Era berean, nabarmenten du garrantzitsua dela arreta sistema integratuak garatzea eta osasun mentaleko sareko profesionalentzako prestakuntza programak sustatzea, biztanleria horri arreta emateko.

Txostenaren helburua administrazioetako eta gizarte-sektoreko arduradun politiko eta teknikoentzat oinarri izatea da, estrategiak artikulatzen aurrera egiteko elementu zehatzak izan ditzaten, ikuspegi integraletik eta pertsonengan zentratuta. Helburua da asistentziaren jarraitutasunaren printzipioa bermatzea eta osasun mentalarekin eta portaerarekin erlazionatutako zailtasunak dituzten adimen- edo garapen-desgaitasuna duten pertsonen beharretara egokitutako laguntzak, espezializatuak izan ala ez, eraginkortasunez ematen direla ziurtatzea.

Planteamendu horrekin bat etorriz, Plena inclusiónek inplikazioa eskatzen dio administrazio publikoari; haren lankidetza ezinbestekoa da adimen- edo garapen-desgaitasuna duten pertsonen osasunerako eskubidean aurrera egiteko.

Informazio gehiago: https://www.plenainclusion.org/publicaciones/buscador/con-buenos-apoyos-informe-completo-situacion-de-la-atencion-a-la-salud-mental-de-las-personas-con-discapacidad-intelectual-y-del-desarrollo-en-espana/

Artículos relacionados

«Hezkuntzak ez du mundua aldatzen; mundua aldatuko duten pertsonak aldatzen ditu», zioen Paulo Freire pedagogo brasildarrak. Gure elkarte-mugimendua ere zeregin horren parte da, ikasgelak ezagutzak eskuratzeko eta, aldi berean, elkarrekin bizitzeko, aniztasuna aitortzeko eta pertsonei bizitza osoan lagunduko dieten balioak

Plena inclusiónek adimen- eta garapen-desgaitasuna duten pertsonek Lanbide Heziketan sartzeko eta bertan irauteko aurkitzen dituzten oztopoak aztertzeko ikerketa egin du. Ikerketak irakasleen prestakuntza-beharrak ere jorratzen ditu, eta LH inklusiboagoa eta enpleguarekin lotuagoa izateko bidean aurrera egiteko gomendioak proposatzen ditu.

FEVASek Euskadiko Eskola Segregazioaren Aurkako Ituna-Eskola Bikaina Denontzat ekimenean parte hartzea ikasle guztien presentzia, parte-hartzea eta ikaskuntza bermatzeko gai izango den eskola benetan inklusiborantz aurrera egiteko dugun konpromisoaren barruan dago. Itun honen helburua hezkuntza-sistema ekitate eta inklusio handiagorantz orientatzea da,

Harpidetu zaitez
gure Newsletterrera

Skip to content